All England C’ships: Lakshya tlang, Sindhu tla

Birmingham khuaa badminton tournament lian All England Championships khelh mekah Ningani khan India mipa shuttler chhuanvawr Lakshya Sen chuan mipa singles second round inkhel pakhatah Danish World No 3 Anders Antonsen a hneh a; double Olympic medallist PV Sindhu erawh women’s singles second round-ah a tla thung.
Kum 2022 All England Championships-a runner-up lo ni tawh World No. 18 Sen chuan World championships-a vawithum lai medal lo hlapchhuak tawh Antonsen lakah 24-22, 11-21, 21-14 hnehna changin quarter-final a lut a; Ningania hnehna a chan hma khan Antonsen nena vawili an intum tawhah vawikhat chiah la chakin vawithum a tlawm a, an intum hnuhnung vawithumah Indian a chak lo vek bawk.
Ningani Birmingham inkhelah erawh Dane lakah Indian a chungnung ta zawk a ni.
Hmeichhe singles second round inkhelah Sindhu chu a hneh lo zawn tluk tluk world No. 1 An Se Young of Korea lakah 19-21, 11-21-in a tlawm leh a; tun kha Korean woman singles player zinga world champion hmasaber ni tura nikum World Championships hnehtu An Se Young laka \um sarih a chak loh zawnna a ni ta.