AMC inthlana duty turte semdarh tan

Aizawl Municipal Corporation 2026 inthlanpuia general observer atana ruat, additional secretary Lalnunhlua leh recognized political party ho aiawhte nen, he inthlana polling official turte duty-na tur computer hmanga semdarh a ni.
AMC inthlanpuia polling official hman theiha awm hi presiding officer (PRO) 330, polling officer-I tan 330 leh polling officer-II tan 329 an ni. Heng atang hian Nilaini khan 2nd randomization-ah hian polling station 264-a duty tur PRO 264, PO-I 264 leh PO-II 264 leh, ward tin tan reserve 20% nen computer-in a thlangchhuak (randomize) a. Polling Team khata awm tur PRO leh PO-I leh PO-II te herchhuak (randomize) lehin, chu’ng Polling Team chu ward 19-ah a semdarh (randomize) leh a ni.
April 18 khian final randomization neih tur a ni a, hetah hian ward tina Polling Team chu ward tin chhunga an duty-na tur polling station theuha computer hmanga semdarh (randomize) leh an ni ang.
Polling official-te duty-na tur semdarh thawh hnihnaah hian election officer bakah Municipal returning officer (MRO) leh assistant Municipal returning officer pawh an tel.
AMC hnuaiah hian ward 19 a awm a, heta tanga ward ruk chu hmeichhe tana zuah a ni. Local council 89 leh polling station 264 a awm mek.