Vohbikte tan thawhhona ziak

SCERT leh Special School panga leh Inclusive School pakhat chuan vohbikte tana thawhhona tha lehzual neih theihna atan Nilaini khan thuthlung – MoU an ziak a. SCERT director Caroline Zoramthangi, special school leh inclusive school aiawhten an hming an ziahhnan.
SCERT director chuan, vohbik enkawltu school-te nen thawhhona thuthlung an ziak chu SCERT leh Mizoram tan mellung pawimawh a ni tih a sawi a. Vohbik naupangte chu enkawl dan azirin engkim an ti thei, tiin, special school leh inclusive school-te tan academic support pe turin engtik lai pawha hma la turin SCERT a inhawn reng tih a sawi a ni.
MoU ziahnaah hian special school – Gilead Special School Bawngkawn, Special Blind School Durtlang, Ephatha Society of Mizoram for the Deaf and Hard of Hearing College Veng, Redeem Garden Durtlang leh Shining Star Republic Veng bakah inclusive school – Govt. Durtlang Primary School-II an tel.