February 1, Nilai zing khan NBA 2022-23 regular season khelh chhunzawm a ni a, LA Lakers chuan New York Knicks lakah hnehna an chang. Nicks an hneh tuma point 28 thawkchhuak LeBron James chuan NBA a point thawkchhuak hnem ber Kareem Abdul-Jabbar record a hnaih deuh deuh zel.
-- Advertisement --
Season kal meka khel tha lo Los Angeles Lakers in point 129-123 a New York Knicks an hneh tum hian player ropui LeBron James chuan point 28 a thawkchhuak a, assist vawi 11 a neih bakah ball sawhlet vawi 10 a dawng tling bawk. James hian NBA a point thawkchhuak hnem ber Kareem Abdul-Jabbar record a hnaih deuh deuh zel a. Kareem Abdul-Jabbar record tluk tura point 89 chiah mamawh tawh in, record thar a siam thuai tura ngaih a ni. LeBron James hian point thawhchhuah tam lamah Kareem Abdul-Jabbar record a hnaih zel rualin assist ngah lamah hnuhma thar hnutchhiah in, assist vawi 10,338 a nei tling chiah a, assist ngah lamah palina a ni. NBA ah hian assist ngah ber chu assist 15,806 nei tawh John Stockton a ni.
LA Lakers leh New York Knicks te hi tunhnaia khel tha lo ve ve an ni a, vawihnih an tlawm zawn hnin Lakers an chak ve ta nawlh a. Knicks hi an khelh hnuhnung pariatah vawi ruk ngawt an tlawmna chiah a ni ve thung. Lakers an hneh loh tum hian Knicks player pawimawh Jalen Brunson chuan point 37 a thawkchhuak.