Union Home Minister Amit Shah chuan Indian investigation agencies te chuan modern technology leh technique te misualte man nan an hman a hun tawh tiin ‘Bharatpol’ portal tlangzarhna a neihah a sawi.
New Delhi a Bharat Mandapam a ‘Bharatpol’ tlangzarhna neihah Minister chuan real-time interface chu Central Bureau of Investigation (CBI) tena portal an siama feature pawimawh ber a ni a ti a. He mi hmang hian central leh state agencies te chuan Interpol an thlunzawm thei tawh dawna investigation tihchakin a awm dawn a ni tiin a sawi.
“Tun hi misual India atanga tlanbo te mana an phutawk hremna pek an nih theih nan modern technology leh technique te kan hman a hun tawh a ni” tiin Shah chuan a sawi a.
“Khawvelin harsatna a tawh te thlithlai rengin kan internal system te kan update zel a ngai a, chumi atan chuan Bharatpol hi hmalakna a ni” tiin a sawi bawk.
Portal thar hmangin central leh state probe agencies te chuan Interpol member ram 195 te atangin an case atana information awm te an nei thei tawh dawn a ni a ti bawk a.
Modi sorkar in nikuma criminal law pathum a siam thar hmangin heng misual te hremna tha zawkin kalpui a ni thei dawn a ni a ti bawk a.
“CBI te hian Bharatpol kaihhnawihah state te hnenah capacity building training bakah criminal law pathum te chungchangah training pe turin ka ngen a ni” tiin Union Home Minister Shah chuan a sawi bawk.
Amit Shah an Bharatpol tlangzarh
Get real time updates directly on you device, subscribe now.
Prev Post