An chak loh hnuah Kharge-a’n na takin BJP bei

Congress hotu lu Mallikarjun Kharge chuan Haryana inthlana an chak loh hnuah dictatorship rorelna tibo tura theihtawp an chhuah zel dawn thu a sawi a, BJP chu engkim thunun vekah leh inthlan buaipuitute thlenga thununah a puh.
BJP in a zawna a vawi thumna sorkar an siam dawn tak hnuah Kharge chuan inhmuhkhawm khunkhan tak an buatsaih dawn thu leh engkim an thlirlet bakah, an tihfuh tawk loh laite an enfiah tur thu a sawi.
Kharge chuan, poll lak zawng zawngah kan dinhmun a tha fai vek a, kan tlin ngei pawh kan ring bawk, tiin. Haryana mipui, Congress vote tute chungah lawmthu a sawi a, chutihrual chuan thawkrim mang lo a, tute emaw thunun chunga sorkar siam tum an awm erawh pawi a tih thu leh, inrahbehna a nih thu a sawi bawk.
Kharge hian BJP chu lalna chauh duh, mipuite engahmah ngai lovah puhin, an vawk-lal-len a ti a, mipuite chu Congress chungah rinna nghat hram hram a, an rawn thawhchhuah leh hun nghak hram hram turin a ngen nghal bawk a ni.