Prime Minister Narendra Modi chuan Andaman and Nicobar island a thliarkar lian ber ber 21 te chu Netaji Subhas Chandra Bose pianchamah Param Vir Chakra awardees te pualin an hming sak a nih thu a puang a. January 23 hi ‘Parakram Diwas’ tia serh a ni.
-- Advertisement --
Modi chuan Netaji Subhas Chandra Bose puala thliarkar a hming chawia phuahah National Memorial sak tur a nih thu a puang bawk a.
Andaman and Nicobar Islands in history a paiwmawhna a neih hre rengin leh Netaji hriat reng nan Ross Island chu Netaji Subhash Chandra Bose Dweep tiin kum 2018 khan PM Modi chuan thliarkar a tlawhnaah a hming a lo thlak tawh a ni.
Neil Island leh Havelock island te pawh Shaheed Dweep leh Swaraj Dweep tia thlak a lo ni tawh bawk.
Heng thliarkar hming la nei lote hi Major Somnath Sharma, Subedar leh Honorary Captain Karam Singh, Second Lt. Rama Raghoba Rane, Nayak Jadunath Singh, Company Havildar Major Piru Singh, Capt GS Salaria, Lieutenant Colonel Dhan Singh Thapa, Subedar Joginder Singh, Major Shaitan Singh, Company Quartermaster Havildar Abdul Hamid leh Lt Col Ardeshir Burzorji Tarapore te hming puttir an ni dawn a.
Param Vir Chakra awardee dang an hming chawia thliarkar awm tawh te chu Lance Naik Albert Ekka, Major Hoshiar Singh, Second Lt. Arun Khetrapal, Flying Officer Nirmaljit Singh Sekhon, Major Ramaswamy Parameswaran, Naib Subedar Bana Singh, Captain Vikram Batra, Lt Manoj Kumar Pandey, Subedar Major Sanjay Kumar, leh Subedar Major (retd) Grenadier Yogendra Singh Yadav te an ni.
Prime Minister’s Office chuan ram tana real-life heroes te zahna lantir chu tihmakmawh tiin prime minister chuan a ngaih pawimawh ber ni reng a ni tiin a tarlang a.
Thliarkar hming la sak loh te Param Vir Chakra dawng tu 21 te puala phuah turah hian thliarkar lian ber chu Param Vir Chakran dawng tu hmasa ber hming chawia sak a ni ang a, thliarkar lian ber dawttu chu param Vir Chakra dawngtu pahnihna hming chawiin chutiang zel chuan kalpi tur a ni.