Hmeichhia-in a naupai tihtlak tur leh tur lohah thuneihna pumhlum neiin a thutlukna siam tur a ni, tiin Bombay High Court chuan pasal nei hmeichhia kar 32 rai tawh chu a naupai a chiangkuang lo hle tih hriatfiah hnuah a duh chuan a tiththlak a remti.
-- Advertisement --
Division bench of Justices Gautam Patel leh SG Dige te chuan thutlukna an siamna copy hi tlangzarh zuiin medical board tena foetus chu a pangngai lo hle chungin nau chu a len tawh em avangin tihtlak loh ni se an tih chu a hnawlsak a ni.
Hmeichhia hian a naupai chu sonography tih hnuah foetus chu a pangngai lo hle tih hmuhchhuah niin a pian hnuah pawh taksa leh rilru lamah harsatna a nei dawn tih a chiang tiin court ah tihtlak remtihna a dil a ni.
“Foetus a pangngai loh em avang hian nau a pai rei tawh tih chuan pawimawhna a nei lo. Petitioner hian engkim hrefiah vekin thutlukna a siam a. Thil awlsam a ni lo va, thutlukna hi ama siam tur liau liau a ni. Duhthlang thei awm chhumn chu petitioner a ni a, Medical Board a ni lo” tiin court chuan order an siamah an tarlang a.
Naupai tihtlak remtih mai loha tihkhawtlai chuan naupai chu nun pangngai pawh nei thei lo tur leh a nu pawh nu a nihnaa thil lawmawm a dawn tur te chhuhsak vek theih zawk a ni, tiin High Court chuan a sawi bawk a.
“A zahawmna humhim tura right a neih leh, chithlah tur leh thutlukna nei tura dikna a neih te laksakna zawk a ni. Nu hian a fa pai a hrin hunah naupiang pangngai a ni dawn lo tih a hrechiang a ni” tiin court chuan a sawi bawk.
“Medical Board ngaihdana nun pangngai pawh nei lo nasa tura nau chu piang tura tihna mai bakah petitioner nu leh a pasal te nu leh pa an nihna hrehawm tak nei sei tihna a ni a. An nun leh chhungkua a nghawng dan tur chu ngaihtuah ngam pawh a ni lo” tiin a sawi bawk.
Petitioner naupai hian microcephaly leh lissencephaly a nei a, chu chu sawi lawk a ni, tiin bench chuan a tarlang bawk a.
“Microcephalic nausen te chuan enkawl reng an mamawha, health care tha nena check-up reng a ngai dawn a. Tihdam theih a ni lo va, enkawl dan tha pawh a la awm lova, engtik lai pawha buaipui ngai an ni” tiin court cvhuan a sawi bawk.
A aia la duhawm lo zawk chu lissencephaly nei nausen te niin chung mite chu an thluak a pangngai ngai lo a ni, court chuan a ti bawk a. Bench chuan medical board te hian nupa te social leh economic dinhmun an thlirsak lo hrim hrim a ti bawk a.
“Medical Board hian thil pakhat chauh a ti : nau tihtlak turin a tlai tawh a ti a, a remti lo mai. Chu chu a dik lo bur a ni” tiin court chuan nautihtlak chu a remtihsak a ni.