Thisen tlakchham natna (Anemia) laka mitin kan him theihna tura sawrkar laipui hmalakna, Anemia Mukt Bharat (AMB) strategy kalpuina tura district tina zirtirna pudarh leh tur, district trainer-te tan an hriat tur inhrilhin Ningani khan Aizawlah hun hman a ni a. National Health Mission mission director Dr Eric Zomawia’n a hmanpui.
AMB strategy hi National Health Mission Mizoram hnuaia peng pakhat niin, sawrkar laipui Ministry of Health & Family Welfare bultumin kum 2018 atang khan ram pum huapa kalpui a ni. Mizoramah chuan March 2021 khan kalpui tan niin department kaihhnawih Health & Family Welfare, School Education leh Women & Child Development atangin thawktute inhrilhfiah a ni tawh.
Anemia Mukt Bharat (Anemia Free India) strategy chungchang sawizau a nih bakah heng department pathum tangho hian Mizorama naupang, tleirawl/ rawlthar leh nute zinga thisen tlakchham natna (Anemia) neite hmuhchhuah a, enkawlna pek leh Anemia umbo a nih theih nan thawh ho dan tur sawi ho a ni.
AMB strategy hnuaia sawrkar laipui hmalakna lian ber chu, naupang, tleirawl/rawlthar leh nute, Anemia laka an fihlim theihnan public health facility, Anganwadi Center leh sawrkar atanga puihna dawng school kaltlanga Iron & Folic Acid (IFA) supplement /damdawi a thlawna sem a ni.
IFA supplement hi kum mil zela sem niin, naupang thla 6 atanga thla 59 inkarah IFA tui kartin vawihnih ml.1 zela pek a ni a. Primary zirlaite hnenah IFA mum sendang kartin vawikhat sem a ni. Middle atanga higher secondary zirlaite hnenah IFA mum pawl kartin vawikhat sem a ni a. Sub-center kaltlangin hmeichhia nau pai rual/ nau pai leh nau hnute pelaite hnenah IFA mum sen sem a ni thung.
Anemia laka himna tur kalpui
Get real time updates directly on you device, subscribe now.
Prev Post