AP motor insu-ah mi pasarih boral

AP motor insu-ah mi pasarih boral
Andhra Pradesh Anantapur district huamchhungah lirtheia chetsualna thlengin, RTC bus leh hnathawk ho phur auto an insu a, mi pasarih an boral a, midang paliin hliam na tak an tuar.
Police te chuan Kuttluru Mandala-a Nellutla khua atangin hnathawk tur 12 te chu auto in an kal a, RTC bus nen hian na taka insu in, a hmunah pahnih an boral nghal a ni, an ti.
Hliam tuarte hi damdawi in hnai ber panpui nghal an ni a, kawng laka an tlan laiin mi pahnih chu kawnga an tlan laiin an boral a, a dang pathumte chu damdawi in thlen hnuah an boral zui veleh bawk. Hliam tuar dang la awmte erawh chu Anantapur Government Hospital-ah enkawl mek an ni.
He chhiat tawh thu hi an hriat veleh district SP Jagadeesh leh DSP Venkateswarulu te chu chetsualna thlenna hmunah hian kal nghalin, RTC bus driver chu thu zawhfiah tur leh chhuichian tura an man nghal thu sawi a ni.
Andhra Pradesh chief minister Chandrababu Naidu chuan thil thleng chu pawi a tih thu sawiin, mitthi chhungte chu zangnadawmna cheng nuai 5 theuh pek an nih tur thu a sawi a, hliam tuarte pawh enkawlna tha tak pe turin damdawi ina thawkte a hriattir nghal bawk.