Apex Bank-in kohhran loan dilna lut nuai 3000 chuang pek remti

Apex Bank-in kohhran loan dilna lut nuai 3000 chuang pek remti
Kohhran hrang hrangin Apex Bank-a loan an dil chu belhkhawmin cheng nuai 3500 chuang a ni a. Hei hi pek remtih a ni.
Mizoram Cooperative Apex Bank Ltd. Executive Committee chu Nilaini khan an thu a. Society hrang hrangin Apex Bank-a share lei an dilna enfiahin an pawm. Hetihrual hian mimal, pawl leh kohhran hrang hrangin loan an dilna, a vaiin cheng nuai 3525.27 chu pek chhuah a remti bawk.
Mimal loan dilna chu sumdawnna (business), thlai chin-ranvulh leh loneih (agri & allied agri), housing loan leh PMEGP niin, a vaiin cheng nuai 2245.27 a ni a. Kohhran hrang hrang tana biak in sakna loan a sanction chu nuai 1280 a ni.
Nilaini vek khan Apex Bank thawktu, clerk 27 leh officer 3 lak tharte pualin ni thum awh induction training programme hman a ni a. NABARD, Mizoram Regional Office general manager Pankaja Borah chuan hmanpuiin, Mizoram hmasawnna atan taima leh rinawm taka thawk turin thawktu lak tharte a fuih.
Tun dinhmunah Apex Bank hian deposit cheng vaibelchhe 1573 a dawn atangin loan cheng vaibelchhe 1199 pe chhuakin, CD Ratio tehfung chu zaah 76 a ni.