AR-in raltlan nawrkir tum

AR-in raltlan nawrkir tum
April 27 zinga Bangladesh atanga an sahimna zawnga Hmawngbu, Lawngtlai district-a tlanlutte chu May 3 zan khan Assam Rifles chuan nawrkir an tum a, tualchhungmite dangin, buaina liantham thleng loin hmalak tumna hi tihtawp rih a ni.
Thudawn danin, Hmawngbu khuaah hian April 27 zing hian raltlan 31 an lut thar a, an ni hmaa lut 81 an awmsa a ni. Assam Rifles-in lut tharte nawrkir an tum chu khawtual mite chuan an sahimna zawnga beltute nawrkir chu an rem ti lo tih Assam Rifles hotute hnenah an sawi a. Assam Rifles lam chuan an hotute thu anga an nawrkir a ngaih thu sawi mah se, innawr buai lutuk loin Lawngtlai bawrhsap chuan thuneitu sang hnenah a thlen a, nawrkir an ni ta lo a ni.
Hetihlai hian nimin lam pawh khan Hmawngbu khawtlang chuan Assam Rifles-in raltlante an nawrkir hlauin a tul dana che turin an awmchilh nileng niin thu dawn a ni.
Ningani vek khan Central Young Lai Association chuan Lawngtlai district bawrhsap David Lalthantluanga hmuin raltlante thlamuang taka an awm theih dan tur an sawipui a ni.