AR-in Veterans Day hmang

Assam Rifles ex-Servicemen chuan, sipai thihsan hmeithai leh an chhungte nen Inrinni khan Aizawla 23 Sector Hqrs. AR hmun, Khatlaah Veteran’s Day an hmang.
Veteran’s Day lawmna hi 23 Sector AR deputy inspector general Brig. Girish Upadhya chuan a hmanpui a. He hunah hian ex-Servicemen, hmeithaite leh an laichinte harsatna hrang hrang, Assam Rifles welfare kaltlanga HQ 23 Sector AR-in tanpuina pek an tum thu sawi a ni.
Veteran’s Day pual hian stall hrang hrang siam a ni a. Medical camp, ECHS helpdesk, banking helpdesk, Canteen Store department leh ex-servicemen ho nen hmun leh hmuna hamthatna pek nghal theihna te buatsaih a ni.
He hunah hian Veer Naris, hmeithai leh ex-Servicemen te Assam Rifles tana an thawhna leh an inpekna hriatrengna’n leh chawimawina’n HQ 23 Sector Assam Rifles chuan lawmpuina an hlan bawk.