MNF sawrkarin Aizawl laili atanga Zokhawsanga Assam Rifles insawnchhuak mai tur anga an sawi laiin, tun thlengin an la insawn lo tih ZPM Thalai chuan sawiin, politics khelhna atan hmang tawh lo turin an chah.
ZPM Thalai Hqrs. thuchhuak chuan, RTI zawhna a chhanna atangin Zokhawsanga Assam Rifles insawn luhna tura Mizoram sawrkarin a tih tur ang ang a tih zawk vek tawh thu tarlan a ni a. Lunglei Municipal inthlan dawna Land Revenue & Settlement minister Pu Lalruatkima’n Assam Rifles chu a battalion pum huapa an atta nuaina leh kelsa kanna bel nen lam Zokhawsanga insuan anga mipui hmaa a sawi hnu ah, vawiin thlenga an la insawn lut lo chu, Aizawl khawpui atanga Assam Rifles sawnchhuah hi MNF sawrkarin politics khelhna atan chauh em ni a hman, tiin a zawt.
‘Assam Rifles thuneitute hnen atanga ZPM Thalai-in thu a dawn danin, Mizoram sawrkarin Zokhawsang Assam Rifles Complex-a a hnathawh chu a chhiat thu dawn a ni a; hengte hi Mizoram sawrkarin sawifiah a, building luah tlak lohte a awm tak tak em tih sawifiah turin MNF sawrkar kan phut,’ a ti.
MNF minister leh party hruaitu hraw tak takin LMC inthlan laia Assam Rifles-te Zokhawsanga insawnlut tawh angin an sawi tih ZPM Thalai hian sawiin, hei hi mipui zah lohna lian takah a ngai a, MNF-in politics-ah pawisak an neih loh zia tilang chiangtu-ah a ngai a; tlin duh luatah dawt politics an hmatheh hreh lo a ni tih lo hre lawk turin mipui an chah tih a sawi.
AR insawn thu politics khelhna atana hmang lo turin MNF chah
Get real time updates directly on you device, subscribe now.