New Zealand prime minister ni mai tur chuan a thlak tur Jacinda Ardern in office a luah laia ‘huatna a tawn’ ang lakah a chhungte chu humhim a intiam tlat tih a sawi.
Ardern hian kar kalta Ningani khan prime minister nih tlin tawh lo tiin a bang a ni.
-- Advertisement --
Ardern vauna tun hnai chhoah a nasa a, chung zingah chuan YouTube video-ah mi pakhatin Ardern kaphhlum turin right a neih thu te hial a sawi a ni.
Chris Hipkins chuan ruling Labour Party tena lungrual taka an thlanchhuah hnuah, Ardern banna chhan chu Kiwis mi tlemte te chetlakna vang tiin a sawi a. “Hei hi kan ram zia a ni ngai lo,” tia sawiin mipa te chu hmeichhe huatna kalsan turin a ngen bawk.
Hipkins chuan hruaitu ni tura a pen chhuah tak avangin amah chu ‘public property’ a nih tak thu a sawi a, mahse, a chhungte chu an ni ve lo a ti bawk a. A fate chua ‘Kiwi naupang te nundan pangngai’ nei se a duh thu a sawi.
Nikum June thla khan data tihchhuahah Ardern vauna chu tun hnai kum thum chhungin a let thum velin a pung an ti a, amah vauna pariat te chu dan hmanga chinfel tum mek a awm bawk.
Intelligence worker hlui Paul Buchanan chuan Ardern chuan New Zealand prime minister lo ni tawh te ang lo takin security a mamawh zui dawn a ti bawk.
Hipkins hi kum 44 chauha upa niin New Zealand Covid response minister niin politics lama tawnhriat ngah tak a ni bawk a. Nilaini hian Ardern ban fel hnuah prime minister atana lakluh zui a ni ang.
Hipkins chuan a deputy turin Carmel Sepuloni a ruat zui nghal a, Pasifika thlah kalzel zinga he dinhmun luah thei hmsa ber a ni a.
“Samoan, Tongan leh New Zealand European ka ni a, New Zealanders mixed heritage nei ka ni. Kan Pacific community tan a pawimawh khawp mai,” tiin Sepuloni chuan a sawi zui bawk.
New Zealand mipui 8 per cent vel te chuan Kiwis Pacific island thlah kal zelah an inngai a ni.