Argentina-ah nautihthlak phalna kalpui

Argentinian hmeichhiate chuan emergency contraception (naupai invenna) la thei turin doctor phalna kher an lak a ngai tawh dawn lo.
Sorkar chuan ‘morning-after pill’ chu naupai duh lo tena awlsam zawka an banphakah a dah ta a.
Sorkar thutlukna chu feminist group ten an fak hle a, Catholic-majority ramah hmasawnna angah an ngai a ni.
Health ministry chuan an hmalakna chuan naupai duh lote a pui dawn tia sawiin naupai danna lamah harsatna awm thei te a titawp dawn a ni tiin a sawi a.
“Naupai danna neih theihna kawnga harsatna a sukiang dawn a ni,” tiin Valeria Isla, sexual and reproduction health director chuan a sawi a. “Emergency thlen hmain hetiang contraception hi a duh ten an hmang thei dawn a ni,” tiin a sawi.
Vanessa Gagliardi, feminist group Juntasy a la Izquierda leader chuan sorkar hmalakna chuan Argentina a naupai 10 zel zinga pasarih chu pai duh reng vang ni lova pai an nih thu sawiin morning-after pill ngaihhuatna (stigma) a tireh ang tiin a sawi bawk.
Argentine pro-life group DerguiXlaVida te thung chuan hlauhthawnawm ti thungin sorkar chu ‘nautihtlak lam awna hma la’ tiin an puh ve thung a. He hmalakna hi pregnancy prevention leh sex education lama hlawhchhamna lantirna an ti ve thung.
Tuna hmalakna hi Argentina, Latin America a ram thiltithei ber pawl leh Catholic Church in vantlang nuna awmze thuk tak a neihnaa reproductive rights lama nasa zawka hmalakna awm lantirna anga ngaih a ni.
Kum 2020 khan Argentina hian naupai atanga chawlhkar 14 chauh la paite chu nau an tihtlak a lo remti tawh a, hei hi Kohhran chuan a dodal nasa hle thung a. A hma chuan pawngsual vang emaw nu hriselna atana hlauhawm a nih chauhin nau tihtlak phal a ni.
Emergency contraception pill hi morning-after pills tia hriat lar niin mipat hmeichhiat hman atanga darkar 120 chhunga ei chuan naupai theih lohna anga ngaih niin WHO chuan darkar 12 chhungin a thawk tha ber a ti thung.