June thla chawhnu lam kan kai chauh nain, BTS fans, ARMY tan chuan Krismas rim a nam a ni deuh der mai, BTS member V chuan an group kum 10 tlin champha pualin 2023 FESTA-ah Bing Crosby hla hlui ‘It’s Beginning to Look a Lot Like Christmas’ tih hla a cover.
Kawr var leh silk necktie lehkekawr pawl nen stage-ah inlanin, jazz band-in an tawiawm a. Piano tumtuin nalh zet maia bul tanin, V chuan he hla hi fuh zet maiin a rawn thlawh ta a ni. V hian Krismas hla hi a cover vawi khatna a ni tawh lo, nikum Krismas-ah pawh khan a lo cover tawh nghe nghe a ni.
BTS-in a kum 10 tlin champhaah hian ARMY tan present chi hrang hrang an chhawp chhuak tawh a, Jimin, J-Hope leh RM te pawhin Weverse lamah thu thlum tak tak an post a, fans lamin an support that avanga an lawmthu an sawi bang thei lo. An kum 10 tlin lawmna peng pakhatah June ni 9 khan an single ‘Take Two’ an lo tlangzarh tawh a, an official anniversary day, June ni 13 khan a live performance video hmangin fans an lo barakhaih tawh bawk a ni.
ARMY tan Krismas a intan der mai
Get real time updates directly on you device, subscribe now.
Next Post