Premier League-ah uiawm taka champion zo ta lo Arsenal chu season tawp hunah inthuahthawl a, player thar lak luh an tum a. Gunners hian nipui bazar inhawn hunah player pariat vel ngawt hralhchhuah an tum niin tarlan a ni.
Arsenal in chhuah tir an tum pariat zingah hian Granit Xhaka, Kieran Tierney, Rob Holding, Reiss Nelson leh Smith Rowe te chu langsar zual a ni. Senior midfielder Xhaka hi captain a nihna hlihsak a nih hnuin Arsenal chhuahsan tura ngaih a ni a. Arsenal tantute huat a hlawh hmen hle. Roma pan mai tura ngaih a nih laiin Emirares Stadium-ah a cham chhunzawm a, player pawimawh a ni zui leh. Season kal mekah chetha thawkhat mah se Xhaka hi chhuahtir in, player dang lak luh zawk an rilruk. Xhaka hi Bayer Leverkusen in lak tumin an dawr a, German pan ngei tura ngaih a ni.
Arsenal chhuahsan tura sawi zingah Scotland defender Kieran Tierney chu duhtu ngah pawl tak a ni a, Arsenal a chhuahsan a nih pawhin champions league khel zui thei tura ngaih a ni. Season kal mekah Gunners tan bul la tan lo Smith Rowe hi Aston Villa in lak tumin an hel mek niin tarlan a ni. Smith Rowe hi James Maddison tan hmun kian turin chhuahtir an tum.
Nipui bazar inhawn hunah bazarna tum sum ngah tura ngaih Arsenal hian West Ham midfielder Declan Rice lak tumin an dawr mek a. Rice hi an player manto ber ni turin lak an huam. Rice hian duhtu a ngah vangin Gunners tan lak a awlsam dawn lo. Arsenal hian Leicester City atangin James Maddison lak ngei an tum dawn bawk. Leicester an tlahniam a nih chuan Maddison hi lak harsa lo tura ngaih a ni.
Arsenal-in in\huahthawl an tum
Get real time updates directly on you device, subscribe now.
Prev Post
Next Post