Nilai zing khan NBA Eastern Conference play-off final game lina khelh a ni a. Game hmasa pathumna tlawm zawnah Boston Celtics chuan point 17 in hnehna an chang a, final luh beiseina an la neih chhunzawm theih phah.
Final game linaah hian vawi thum chak zawn tawh Miami Heat in bul an tan tha a, point ruka hmahruai chunga chawlhlawk an hman vangin chak nawn leh tura ngaih an ni hman. Chawlhlawk hma lamah hnufual zawk ni mah se chawlhlawk hnu lamah Celtics an chetha ta viau a. Quarter hnuhnung pahnihah chungnung zawk an nih ve ve vangin Celtics an chelh a, hnehna an sualchhuak ve ta nge nge.
NBA Finals luh chian nghal tuma tan khawh Miami Heat hi quarter hmasa berah point rukin chungnung zawkah an tang a, bul an tan tha. Quarter hnihnaah Celtics an insiamtha a, an khingpuite an beilei nasa hle. Quarter hnihnaah hian point 27 ve ve thawkchhuakin an inhnehtawk a, point ruka hmahruai chungin Heat in chawlhlawk an hmang.
Chawlhlawk hnu lamah Celtics an insiam tha a, an khel tha ta hle. Celtics hi quarter thum naa point 15 zetin chung nung zawkah an tang a, point 9-a sang zawk chungin quarter hnu-hnung ber an hmach-hawn. Quarter hnuhnung berah hian Celtics an khel tha chhunzawm a, point riatin an chungnung zui leh a. Point belhkhawm ah 116-99 chakin Heat nen an inkar an tizim.
Miami Heat an hneh tum hian Celtics player pawimawh Jaylen Bro-wn chuan point 17 a thawkchhuak a, Derrick White chuan point 16 a thawkchhuak.
NBA chanchin play-off-ah 3-0 a hmahruai tawh team an la chak tlang zel a, 0-3 a hnufual tawh team in an khing-puite an la lehthal ngai lo. 0-3 a hnufual tawh Boston Celtics hi Miami Heat lakah huaisen takin an inlan a. Game linaah hnehna changin Heat nen an inkar an tizim. Final game ngana ni zirtawp zing khian khelh a ni dawn a. Game 5-naah Celtics in hnehna an chang nawn leh thei a nih chuan an khingpuite lehthal a, NBA final luh theih beiseina sang zawk an nei thar ang.
Celtics in Heat an chelh
Get real time updates directly on you device, subscribe now.
Prev Post
Next Post