Artificial Intelligence (AI) intih\haihna do dawn

US President Joe Biden leh Vice President Kamala Harris te chuan Artificial Intelligence (AI) hmanga intihthaihna lo hluar zel lakah an himna, venhimna leh mawhphurhna lungrual taka hlenchhuah zel an tum thu an sawi. New York Post-in a tarlan danin Thawhtanni khan President Joe Biden chuan AI chungchanga U.S sorkar ngaihdan leh hmuh dan kimchang order a ti chhuak a. He order-ah hian AI hmasawn zel dan leh a khuahkhirhna te, AI-in social media-ah a tha lo zawng leh dan loa hna a thawh nasat theihzia te inhrilh hriat ni se a ti a. President-in dawt ngialngan taka video-a an tihlanna nasa taka a rilru a luah thu leh “Mission: Impossible-Dead Reckoning Part One” an tih film-a amah ang taka an tihlan chungchanga a ngaihtuahna thuk tak a luah thu te a sawi chhuak a ni.
He movie-ah hian thlarau pakhatin video hi a khuahkhirh-in Russian tuihnuai lawng chu a pil a, mihring awrawl chu engmah lovah chantirin hei hian AI thiamna hlauhawmzia a rawn pholang a ni, tiin White House Deputy Chief of Staff, Bruce Reed chuan a sawi a ni.