Iran-in Kuwait-a tui sawngbawlna hmun kap

Iran-in Kuwait-a tui sawngbawlna hmun kap
Kuwait chuan power leh tui tihthianghlimna hmun chu Iran-in an kap niin a sawi a, Gulf ramte chuan US leh Israel-in Iran an beih rawn atanga ni 35-naah pawh phuba lak nana Tehran chetna an an tawk chhunzawm zel.
Kuwait-a thuneitute chuan plant hi Zirtawpni chhun lai pelh hreta kah niin an sawi a. Eng ang nasain nge chhiatna a thlen hriat a la ni chiah lo.
He pawikhawihna hi zing hma taka Mina al-Ahmadi tuialhthei thlitfimna hmundrone hmanga beih a nih hnu darkar eng emaw zat hnuah a thleng niin state news agency KUNA chuan a tar lang a, pawikhawihna avang hian ‘operational unit eng emaw zataj’ kangmei a chhuak a, hnathawk pakhat mah hliam an awm lo niin a sawi.
Emergency leh kang thelhtute tirh an ni a, environment thuneitute pawhin thlitfimna hmun chhehvel boruak a him leh him loh enfiah turin an vil reng niin KUNA chuan a tar lang a, thuneitute chuan radiation put awm thei nia sawi chu dik loh thu an sawi.
Tuialhthei thlitfimna hi vawi thum beihna a ni tawh a, ram puma mipuite chu ‘an chiai nasa hle’ niin thuthar lakhawmtuten an sawi.
“Middle East-a thlitfimna lian ber pawl a ni a, tual chhung ei leh in atan pawh a pawimawh hle a ni,” an ti.
Kuwait hi ‘Iran nena inhnaih ber ram a ni a, kilometre 80 chauhvin Kuwait hi Iran tuipui kamah a inthen a; chuvangin, Iran atanga beih awlsam ber pawh a ni thei,” an ti bawk.
X-a an tar lanah KUNA chuan Kuwait hi ‘hmêlma missile leh drone hmanga beih’ mek a nih thu an tar lang a. Zirtawpni khan ram pumah siren leh van sanga puak a awm a, Iranian missile-te lo kah thlak ri a awm bawk niin agency chuan a tar lang.
Kuwait leh Gulf ram tam zawk hi tui tihthianghlim chawp (desalinated water)-ah an innghat nasa hle a. March 30 khan Kuwaiti-a power leh desalination plant kah a nih avangin Indian pakhat a lo thi tawh a. Iran-in he thil titua sawina chu a pha a, Israel tihah a puh.
Zirtawpni vek khan United Arab Emirates-a defence ministry chuan Iran missile leh drone hmanga beih nia an sawi an hmachhawn mek tih a sawi ve bawk.
Van sanga thil kah darh tla chuan gas sawngbawlna complex lian tak, Habshan gas facility-ah kangmei a tichhuak a, Abu Dhabi chanchinbu pisa chuan X-ah, ‘thuneitute an chhan chhuah hma chu hna thawh tihtawp lailawk a ni’ tih an tar lang.
UAE air defense-te chuan Ningani chhung ringawtah pawh khan ballistic missile 19 leh drone 26 an lo kap thla niin defence ministry chuan X-ah a tar lang a. Hei hi US leh Israel-in Iran an beih hnuah phuba lak nana Tehran-in an ram beih nana missile leh drone sang tam tak zinga mi a ni tih an sawi.
Service member pahnih an thi tawh a, UAE-ah hian ram hrang hrang mi 191-in hliam an tuar tawh niin thuneitute chuan an sawi.
Saudi Arabia pawhin zan khat chhungin an chung boruakah drone a tihchhiat thu an sawi a, Bahrain-in missile alarm vawi thum an tiri niin Anadolu Agency chuan a tar lang bawk.
Tehran hian Gulf-a US technology firm lian ber berte beih tumin a hmain vauna a lo tichhuak tawh a, a ram beih chhunzawm zel bawk.
Iran-a sorkar hnuaia mi, IRNA news agency chuan Tehran chuan Dubai-a Oracle data center chu April 1 khan US-Israel beihpui thlakna avanga phuba lakna atan a bei niin a tar lang a; mahse Dubai Media Office chuan X-ah a nih loh thu leh ‘chanchin thar lem’ a nih thu an sawi.
Thawhtanni khan Amazon Web Services chuan UAE-a an data center pahnih chu ‘kah fuh’ a nih thu leh Bahrain-ah pawh a bula drone-in fuh avangin a chhiat thu an sawi bawk.
Heng beihnate avang hian AWS server-te chuan harsana a tawh phah niin The Associated Press news agency chuan a tar lang.
Iranian sipai thupuangtu, Ebrahim Zolfaghari-a chuan US President Donald Trump-a’n an ram infrastructure-a beihpui thlakna nasat a nih tur thu a sawi lai mekin an chhehvel rama power plant-te beih a nih tur thu a sawi ve nghal.
US chuan Iran power plant-te beih a nih tur thu a sawi chhunzawm zel a nih chuan Tehran chuan an chhehvel rama energy hmunhma, information leh telecommunications company-te chu an bei ve zel dawn niin Zolfaghari-a chuan a sawi a, a bikin American-ten neitu nihna an neihna hmunte an bitum dawn niin Press TV-in video a tihchhuahah a sawi a ni.