Arunachal Pradesh sorkar chuan nasa takin ramri bul hnai khuate tihhmasawna connectivity leh communication lam bakah agriculture activity a tihchak zel avangin heng khua pemchhuahsan nasa takin an tlahniam tan nghal tiin Chief Minister Pema Khandu chuan a sawi.
“Arunachal Pradesh mipui hmun thuma thena hmun khat lai chu ramri bul hnaia cheng an ni a, state sorkar chuan heng border area tihhmasawn hi ngaih pawimawh em emah a nei a ni” tiin Khandu chuan China nena ramri bul hnai khua a tlawhnaah a sawi a.
Kum tam tak chhung chu heng ramri bul hnaia awm khuate hian connectivity a nei tha lo va, tlangram a nih avangin kal pawh a harsa a, resource an nei tha lo va, infrastructure an nei tha hek lo hei vang hian mipuite chuan developed areas lamah an pemsan thin tia sawi a ni.
Arunachal Pradesh sorkarin model village cluster siama, connectivity tichak a, agrilculture sector te ‘Atmanirbhar’ scheme leh ‘Mission Krishi Veer’ ang te hmanga tichhak hnuah heng ramri hnaih khuaah te hian hmasawnna hmuh theihin a awm tia sawi a ni a.
Khandu chuan space technology leh drone te chu border area te tihchangtlun nan an hman zual zel tur thu sawiin voluntary organisation te nena tangkawpa hma an lak thu a sawi a. “Arunachal Pradesh sorkar hmalaknate centre in a thlawpna leh puihna te chuan rah tha a chhuah zel a, khua pem san an tlem tial tial a ni,” tiin a sawi.
Arunachal Pradesh hian India ram state zingah international border nei thui berin 1,863 km lai a nei a. Heng zingah hian Tibet nena a ramri chu 1,126 km laia sei a ni.
“Development leh infrastructure tha awm lo vangin border village atangin mi tam tak an pem chhuak tawh a. Vanneihthlak takin tunah erawh hmalakna tha zawk nen thil a inthlak mek e” tiin Deputy Chief Minister Chowna Mein chuan a sawi.
Central sorkar chuan tun hnaiah Vibrant Village Programme kalpui tharin he mi hmang hian Arunachal Pradesh a thingtlang khua ramri hnaiah awm 455 te chu nasa taka puiha sum lakluhna tha leh connectivity tha zawk leh social infrastructure an neih theih nana puihna tur a ni.
Arunachal Pradesh sorkar chuan Golden Jubilee Border Village Illumination Programme kalpui hrim hrimin hemi hmang hian 50 micro, mini leh small hydropower project 10-100 kilowatt (KW) capacity te chu Rs 200 crore hmanga siam zel tur tih a ni bawk, tiin Deputy Chief Minister chuan a sawi bawk a.
He programme hnuaiah hian project sawm pasarih chu district 11 ah kalpui mek niin ramri hnaih khua 123 a tuam dawn a, mi 10,185 velin an chhawr phah thei dawn a ni, a ti a.
Hei mai bakah hian Indian Army, Indo-Tibetan Border Police leh Border Roads Organisation te hmunpui 15 lai te sipai 1,800 vel lai awmna te chu heng project 17 hmang hian eng pek an ni ang, tiin Mein chuan a sawi bawk a. Mein hi Arunachal Pradesh sorkara Power Department changtu minister a ni ba
Arunachal Pradesh ramri hnaih khuaa cheng ten an khua pemsan tlem tial tial ti
Get real time updates directly on you device, subscribe now.
Prev Post
Next Post