Vawk engemaw zat thihna hrileng African Swine Fever (ASF) a nasa rih lo a, a hma angin a nasa vak dawn lo nia ngaih a ni.
AH&Vety department hotute chuan he hrileng hi a darh nasa rih lo a, vawk pawh a hma angin a thi nasa rih lo tih te, a rei telh telh ang a, a na lo telh telh ang tih ngaihdan a awm thu leh, chu chu a dik dawn nia a lan thu te, a nasat loh telh telh an beisei thu te an sawi.
AH&Vety department-in an chhinchhiah danin, July ni 5-ah vawk thi a awm lo a, ni 4 thleng khan Mizoramah ASF vang hian vawk 183 a thi tawh. June ni 26 thlenga vawk thi zat kha 170 a ni a, chumi hnuah vawk a thi nasa zui lo.
July ni 4 thleng hian vawk 183 a thih bakah he hri vang hian vawk 189 tihhlum (cull) a ni tawh a, ASF hrileng thawh thumnaa vawk thi zat 372 a ni.
Tun \um hrileng hi Champhai, Kolasib, Aizawl leh Mamit district-ahte finfiah a ni tawh a, June thla tawp lam a\angin district hi a pung rih lo. Champhai district hi a tuar hmasa an nih bakah a tuar nasa pawh an ni;he district-ah hian vawk 89 a thi tawh a, vawk 184 tihhlum a ni tawh bawk. Kolasib district-ah vawk 49 a thi tawh a, Aizawl district-ah pathum, Mamit district-ah 42 a thi tawh.
2021-ah khan ASF hi Mizoramah hmuh a ni a, kum tir lam a\angin 2022 February thlengin he hri hi Mizoramah a leng. 2022-ah hian a thawh hnihna a leng leh a, December ni 22-ah a tawp tiin an chhinchhiah. Kuminah a thawh thumna a leng leh a, kumina an finfiah hmasak ber chu May ni 6-a mi a ni.
AH&Vety department hotute chuan endik a awm reng thu an sawi a, rinhlelh vanga endik pawh ASF a lo ni lo a, ASF hi chu a tlem zawk tiin an sawi.
ASF hri leng nasa rih lo
Get real time updates directly on you device, subscribe now.