Assam-ah a fate hmuh laiin nu pawngsual

Assam-ah a fate hmuh laiin nu pawngsual
Assam-a Cachar district-ah nu kum 30 mi chu a fate pahnih hmuh laiin pawngsual a ni a, acid-in leih a ni bawk niin Nilaini khan police-in an sawi.
He thil hi kar kal ta Nilainia thleng kha a ni a, a titu nia hriat, kum 22 mi hi hmeichhiate inah hian lutin hetiang hian a ti ta niin an sawi.
Police-in an sawi dan chuan a hmain an pahnih hian inhnial thinrimna an nei a, nu zawk hian an inah a luhsan a. A hnuah mipa hi an pa awm loh laiin an inah chuan kalin pawi a khawih ta a ni.
A pasal ina a let leh hian a nupui chu chhuatah a ka hnawhin a kut leh ke phuarin a hmu a. Acid ang tak thilin a taksa chu lo bual huh vek a ni bawk tih thuneituten an sawi.
Nu hi Silchar Medical College & Hospital panpui nghal a ni a, a dinhmun pawh a tha vak lo.
A titu nia an hriat hi a tlan bo nghal a, an zawng zui mek.
Hmeichhe pasal hian mipat hmeichhiatna thila a nupui sawisaa puhin police-ah thubuai a thlen a, police hian an chhui zui mek.
Thuneitute chuan damdawi thiamten nu hi an endikna report an hmuh hunah pawngsual a tawk nge tawk lo an hre dawn tih an sawi.