March 2-ah India-Israel thlawhna thlawk leh tan dawn

On Jan 31, 2025 18 0

March 2-ah India-Israel thlawhna thlawk leh tan dawn
Air India chuan Middle East-a buaina a awm avanga nikum August thla atanga a dintir tawh an thlawhna chu March 2 atang hian Tel Aviv pana chawl lova thlawk turin a zin chhuahtir leh tan dawn.
Nilainia thuchhuah an siamah chawlhkar khatah thlawhna panga zel Delhi atangin Tel Aviv, Israel panin an thlawk dawn tih a tar lang.
Airline hian an thlawhna tirh tur hi Boeing 787-8 Dreamliner a nih thu leh Business Class-ah flat bed 18 leh Economy Class-ah thutna 238 awm a nih thu an sawi.
Chawl lova Israel pan thlawhna hi Thawhtanni, Thawhlehni, Nilaini, Ningani leh Pathianni apiangin a thlawk thin ang.
Delhi-Tel Aviv inkara thlawk leh tur hian tul angte bawhzuiin sorkar hotute hnen atang pawhin thlawh chhunzawm leh phalna hmuh a ni tawh tih an tar lang bawk.
August, 2024 atang khan airline hian khatih laia Israel leh Iran inkara innghirnghona lian tak a awm avangin venthawn thilah an thlawhna thlawhtir thin chu an titawp lailawk a ni.
Thawhlehni khan Israel Tourism Minister Haim Katz chuan Mumbai atanga Tel Aviv thlawhtir leh tawh turin Air India leh Israeli airline EI AI chu a lo ngen tawh bawk.