Assam leh Meghalay-in board thiat

Assam leh Meghalaya te chuan board hlawk lo leh sum sen tamna ni si te an nuai bo.
Meghalaya State Housing Board (MSHB) thiah leh Assam State Agricultural Marketing Board (ASAMB) sawrzim te chu State operation tha zawk awm theih nan leh administrative efficeincy tha zawk awm theih nana kalpui a ni tiin State pahnih thuneitute chuan an sawi.
Shillong-a Cabinet meeting neihnaah Meghalaya Chief Minister Conrd K. Sangma chuan board hlawk lo leh chhawrnahawm lote chu hetiang hian thiah emaw zel a ni ang tiin a sawi a. “Board hnathawk mi 18 te chu voluntary retirement scheme (VRS) Rs 7.42 crore hu pek an ni ang” tiin a sawi.
Marcuise Marak, Meghalaya’s Minister for Housing chuan MSHB thiah chu State operation tha zawka kalpui nana tih a ni a ti a. “VRS package hi hnathawk te zahawm taka an chhuah theih nana tih a ni,” tiin a sawi.
Assam sorkar pawhin che hlei thei lova awm mek ASAMB hnathawk 612 te hnenah VRS a pe dawn bawk a, hei bakah hian contingency leh fixed-pay staff 147 te hnenah pawh one-time settlement a kalpui dawn bawk.
Chief Minister Himanta Biswa Sarma chuan state Cabinet chuan ASAMB hnathawk te tana financial settlement scheme chu an pawm thu sawiin sorkar service sector a manpower utilisation tha zawka kalpui nana tih a ni tiin a sawi.
ASAMB a hnathawk te hian kum khat chuang hlawh pek an nih tawh loh thu sawiin sorkar chuan financial settlement atana sum sen tur chu Rs 154 crore a ni a ti.
Assam Cabinet chuan hmeichhia hnathawk tena child adoption leave ni 180 pek a remti bawk a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More