Assembly Committee-in Kerala tlawh

Mizoram Legislative Assembly hnuaia Committee on Public Undertakings chu an chairman, adviser to chief minister Er H Ginzalala hoa Kerala-a state corporation hrang hrang zirchianga an fehchhuak chu Ningani khan an kal chhan an ti zo.
Study tour-ah hian he Committee member, MLA dang – V Malsawmtluanga, K Laldawngliana, Lt Col Clement Lalhmingthanga leh Lalramliana bakah Assembly Secretariat official-ten an tawiawm a. Kerala-a an cham chhung hian Committee on Public Undertakings Kerala Legislative Assembly nen thukhawmin, state public sector corporations chungchang leh an kalpui dan an inhrilhfiah a ni.
Kerala Legislative Assembly speaker AN Shamseer leh Law, Industries and Coir minister P Rajeev te hmuin an inkawm bawk.
Assembly Committee hian Kerala Handicraft Development Corporation, Tourism Development Corporation, Travancore Titanium Products Ltd. leh Board of Public Sector Transformation an tlawh a. Corporation hotute nen an inkawm a ni.
Committee on Public Undertakings Mizoram-in Kerala a tlawh hi an state hotute an lo lawm thiam hle tih member-te hian sawiin, an lo dawnsawn danah an lawm a. Committee on Public Undertakings Kerala hian Mizoram tlawh ve ngei an duh tih an lo hrilh.