Athletics ngai pawimawh dawn
May 9, Thawhlehni khan Dawrpui Multi-Purpose Hall-ah Mizoram State Sport Council (MSSC) buatsaihin Non-Residential Coaching Programme 2022-23 – 1st Annual Fecilitation of High Achiever Pregramme hman a ni a. Infiammi medal dawngte hnenah lawmpuina hlan a nih tuma khuallian Pu Robert Romawia Royte, Sport Minister chuan Medal tama Athletics ngaih pawimawh lehzual a nih tur thu a sawi a. Athletics tuipuitute tan Scholarship hmuh theih beisei a nih thu a sawi bawk.
Mizoram State Sport Council Non-Residential Coaching Programme 2022-23 hi July 13, 2022 khan hawn a ni a. Bul tan nan Sport discipline hrang hrang paruk; Basketball, Boxing, Table Tennis, Tennis, Weightlifting leh Wrestling-ah te coaching programme kalpui a ni a. He caoching programme hi Mizoram Sports policy zulzuiin infiammi ten awlsam zawk leh man chawi lova zirtirna an dawn theih nana duan a ni. He coaching programme-ah hian nuapang kum 17 hnuai lam bakah sportperson mi bikte te chu enkawl theih tura duan niin ruahmanna felfai tak siam a ni.
He caoching programme batch hmasa berah hian nupang 234 ziah luh an ni a. Hmun hrang hrangah training neite hi Sports Nutritionist leh Physiotherapist ten uluk takin an vil reng a ni. Kum khat chhung Non-Residential Coaching Programme kalpui a nih chhungin he coaching a kal mi 57 ten medal an hlawhhchhuak hman a. Medal 57 an lakna hi National Level-ah 3, Reihional Level-ah 12 leh State level ah 42 te an ni. Medal dawng mi 57 te hnenah infiamna bungrua hlan a nih tum hian kum thar 2023-24-ah coaching programme-a tel belh tur Judo leh Athletics tlangzarh a ni bawk.
Infiammite puala hun hman hi Sport Minister Robert Romawia Royte chuan khuallian niin a hman pui a. Sport Minister chuan Intihsiaknaa medal tamna Athletics ch sorkarin a ngaih pawimawh thu a sawi a. Athletics tan bik tam zawka hman atan Ramhlun Sport Complex ruahman a nih thu a sawi tel bawk. “Medal tama Athletics-ah tan kan lak thar a ngai hle a. He lamah hian ngaihtuahna sen zau lehzual a ngai. Athletics training te tan Scholarship dawn a nih theih nan hma kan la a, kan hlawhtlin ngei kan beisei”, Sport Minister chuan a ti.
Sport Minister hian Lunglei, Lawngtlai leh Mamitah te zirlai 600 kal theihna tur Sport School an sak mek thu a sawi a. Nuai 4000 chuanga sak School hi tha leh tangkai hle tur a nih a thu a sawiin infiamna lama sorkar hmalak mekna a tarlang.