Aus Open main draw-a Indian kan hmuh tur Nagal

Australian Open qua-lifiers-ah set khat mah hloh loin India player Sumit Nagal chuan main draw a chuangkai a, kum 2021 hnu lama Indian zinga Grand Slam hrim hrim main draw thleng zo leh hmasaber a ni zui nghal.
Singles ranking lama World No. 139 ni mek Nagal tan tun hi Melbourne Park-a main draw a thlen vawihnihna niin, kum 2021 khan kum khat chhunga Grand Slam tournament hmasaber hi qualifying kaltlangin a lo inpal thleng ve tawh a ni.
Australian Open main draw thleng tura a beih-naah Nagal hian nimin khan a qualifying round match hnuhnungberah 14th seed leh World No. 38 hlui ni bawk Slovalia player Alex Molcan chu 6-4, 6-4-in a barakhaih a; Melbourne khawlum thang huam hnuaiah a tennis thul-khung tha ber a khel chhuak thei!
Australian Open cam-paign bul a tanna first round-ah Indian player hian Kazakhstan World No. 31 Alexander Bublik a hmachhawn dawn.
Kum 2021 Australian Open first round-ah khan Lithuania mi Ricardas Berankis lakah 2-6, 5-7, 3-6-in a tlawm a; kum 2019 leh 2020 khan US Open main draw a lo chuangkai ve tawh bawk.
Kum 2019 phei kha chuan Nagal hian New York khawpuia Flushing Meadows-ah khan legen-dary Roger Federer kha set li lai a khelhpui ve ngat a, Swiss superstar lakah 6-4, 1-6, 2-6, 4-6-in a tlawm zui ta a ni.
A kumleha season khat chhunga Grand Slam tournament hnuhnungber main draw a thlen leh tum kha chuan first round-ah tualchhung player Bradley Klahn laka 6-1, 6-3, 3-6, 6-1 hnehna changin second round a lut ta hial a, mahse, a kal zel tur chu second seed leh champion ni zui ta Dominic Thiem chuan 6-3, 6-3, 6-2-in a dansak ta hlauh a ni.
Australian Open hi tun January ni 14-28 chhunga khelh tur a ni.