Australian khawpui lian ber Melbourne

Melbourne khawpui chuan Sydney khumin Australia khawpui zinga 19th Century gold rush hnua mipui chen tamna ber a ni ta a. Sydney hian khawpui lian ber nihna chu kum 100 chuang a chelh a ni.
Mahse Melbourne leh a chhehvelah mipui pung tam zui zel hian tunah chuan Melton area te pawh a huam tel vek tawh a.
Sorkarin figure thar a tihchhuahah Melbourne-ah chuan mipui 4,875,400 chengin Sydney aiin 18,700 in an tam zawk a ni.
Australian Bureau of Statistics (ABS) chuan city chu ‘urban area’ tia sawiin mi 10,000 chuang chenna a ti a.
“Kum 2021 census hma zawng kha chuan Sydney chuan Melbourne aiin mipui a ngah zawk a. Mahse, nikuma Melton leh Melbourne suihfin a nih hnuah Melbourne chuan Sydney aiin mipui a ngah zawk ta a ni” tiin ABC’s Andrew Howe chuan Sydney Morning Herald newspaper a hrilh.
Mahse Sydneysiders te chuan Sydney leh Meblbourne region pumpui thlir chuan Sydney chu a la lian zawk an ti ve thung a.
City’s greater region anga lak chuan ‘functional area’ tia sawi te chu hmer tel niin chutah chuan mipui inkawm ho thin te, dawr leh hnathawhna khawpuia nei mahse a chhehvel khaw te zawka inbengbel si te a huam a.
He mi tehna hmang pawh hian federal government hisap ang chuan Greater Melbourne chuan greater Sydney chu kum 2031-32 ah a khum dawn tho an ti bawk a.
Tun hi Melbourne in Australia a khawpui lian ber nihna a chelh tum khatna a ni lo va, kum za bi 19-naa gold rush lai khan Victoria state ah mi tam tak pem lutin kum 1905 thleng khan Melbourne chu Sydney aiin a lian reng a ni.