Ballon d’Or dawng thei tur an puang
Premier League newcomer pahnih Florian Wirtz leh Viktor Gyokeres telna kumin Ballon D’Or nominee-te hming chu nimin khan puanzar niin, kum hmasa lama lang tawh lo Lionel Messi leh Cristiano Ronaldo-te hming hmuh tur a awm lo chhunzawm zel!
Manchester United midfielder hlui Scott McTominay chu rin loh takin kumin Ballon D’Or nominee list-ah hian a tel nawlh a; kum 28 mi McTominay bakah hian Premier League mi thar pahnih Liverpool lakluh Wirtz and Arsenal striker Gyokeres-te hm,uh tur an awm bawk.
McTominay lan nawlh chhan hi season liamtaa Napoli thuam inbel chunga Serie A title a lak vang niin, United-a kum sarih a khawsak hnuah Italian club a zawm a, Antonio Conte hnuaiah a par vul viau a ni.
He Scotland international hian inelna hrang hrangah Napoli tan game 48 khelin goal 16 a thun tling a, season thum chhunga a vawi hnihna atan Napol kutah Scudetto a luhpui.
Kum zawna Ronaldo leh a elpui kumhlun Messi-te hming a lang lo hian sawi a hlawh nghal hat a; an tualchaina lama an la lar vet vet nen khawvela footballer tha ber thlannaa an tel lo leh ta mai hian mak tih pawh a hlawh khat lo thei lo a ni!
Lang lo langsar zingah he title kawl lai Manchester City star Rodri telin, ani hi season liamtaah khan hliam avangin a inlan tam thei lo a, a trophy kawl lai hum thei turin nominee list-ah telh a ni lo.
Nikum khan Ballon D’Or shortlist-ah mi 30 tlar chhuah niin, kuminah pawh player 30 bawk thlan chhuah an ni leh.
2025 Ballon D’Or nominee-te
Ousmane Dembele (PSG and France)
Gianluigi Donnarumma (PSG and Italy)
Jude Bellingham (Real Madrid and England)
Desire Doue (PSG and France)
Denzel Dumfries (Inter Milan and Netherlands)
Serhou Guirassy (Borussia Dortmund and Guinea)
Erling Haaland (Man City and Norway)
Viktor Gyokeres (Arsenal and Sweden)
Achraf Hakimi (PSG and Morocco)
Harry Kane (Bayern Munich and England)
Khvicha Kvaratskhelia (PSG and Georgia)
Robert Lewandowski (Barcelona and Poland)
Alexis Mac Allister (Liverpool and Argentina)
Lautaro Martinez (Inter Milan and Argentina)
Scott McTominay (Napoli and Scotland)
Kylian Mbappe (Real Madrid and France)
Nuno Mendes (PSG and Portugal)
Joao Neves (PSG and Portugal)
Pedri (Barcelona and Spain)
Cole Palmer (Chelsea and England)
Michael Olise (Bayern Munich and France)
Raphinha (Barcelona and Brazil)
Declan Rice (Arsenal and England)
Fabian Ruiz (PSG and Spain)
Virgil van Dijk (Liverpool and Netherlands)
Vinicius Jr (Real Madrid and Brazil)
Mohamed Salah (Liverpool and Egypt)
Florian Wirtz (Liverpool and Germany)
Vitinha (PSG and Portugal)
Lamine Yamal (Barcelona and Spain)