Bangladesh-a Hindu te beihna ngawihbopui chi ni tawh lo : Sarma

Bangladesh-a Hindu te beihna ngawihbopui chi ni tawh lo : Sarma
Assam chief minister Himanta Biswa Sarma chuan Bangladesh-a Hindu te beihna chu thil ngaihtuah ngai tak, ngawihbopui chi a nih tawh loh thu a sawi.
Sarma chuan, ‘Bangladesh-a Hindu community te tawrhna hrang hrang hi ka hre nitin a, ka rilru a na hle. Kawng emaw tal chu a awm tur a ni, venhimna leh humhim an ngai tak zet tawh a ni,’ a ti.
A sawi zelnaah Assam chief minister chuan, external affairs secretary Dhaka-a kal mek chuan rahtha a chhuah ngei a duh thu sawiin, prime minister Modi-a ruahman anga thil a kal ngei a beisei thu a sawi a, Hindu te pawhin himna an hmuh thuai a beiseipui tak zet thu a sawi.
Bangladesh-a Hindu te hi an him loh chhoh em avangin an thenawm India ram state hrang hrangah an tlanchhe tan nia sawi a ni a, tunhnai mai pawh khan Tripura police te chuan an state chhungah Bangladesh mi 10 manin, an vai hian Hindu sakhua betute vek an ni.