Bangladesh atangin raltlan lut leh
May 19 zing khan Bangladesh atangin Mizoramah raltlan an luh belh.
Thudawn danin, Pathianni zing dar 3.00 vel khan Bangladesh atangin raltlan 65 chu an sahimna zawngin Lawngtlai district-a Vathuampui khuaah an lut a; mipa 38 leh hmeichhia 27 niin, nunau leh kum upa lam deuh an ni a, an zingah hian damlo pawh an awm nual nia sawi a ni.
Bangladesh Chittagong Hills Tract-a tlangmiten thuneihna sang zawk an ngiatnaah Kuki- Chin National Army chuan tharum hmangin an bei a, Bangladesh sawrkar sipai nen an inbei reng a, hemi nghawngah hian MIzoramah Zohnahthlak raltlan engemawzat an lut tawh a, hun engemawti chhung raltlan an awm loh hnu ah tunhnai hian an rawn lut thar leh tih thu dawn a ni.
Raltlan rawn lutte hi Vathuampui khawtlang chuan lo dawngsawngin, an eitur leh tawm hulna an buaipui a. Sawrkar thuneitute lam pawhin an ngaihven zui nghal a ni.