Tuichang fintu lui thianfai

BCM Hnahthial South Pastor bial Thalai Kristian Pawl (TKP) leh District Urban Development & Poverty Alleviation (DUDO) tangdun chuan Inrinni khan ‘environment humhalh hnatlang’ neiin, Hnahthial khawpui tui tlan Tuichang lui fintu luite pali an thianfai.
Hnatlanga chhuakte hi group li-ah inthenin, Tui hnai lui, Thingpui huan lui, Pu Dapa vau lui leh Tui hla lui an thianfai a; an vaiin member 113 an thawk chhuak a. South Tuipui bialtu MLA Jeje Lalpekhlua chuan hnatlangte thingpui inna tur Rs. 10000 a hlan a ni.
College of Horticulture Thenzawl NSS Unit chuan Inrinni khan hnatlangin Thenzawl khawchhunga luang tlang Lau Lui an thianfai. ‘Save Lau Lui’ hnatlang hi adventure vlogger, environmental activist Zira Pc-in a hmanpui a, CoH CAU Imphal dean Dr Shri Dhar bakah Thenzawl Joint YMA president Lalmuanpuia ten thutawi sawiin, Lau lui luang leh Vaibiak thenfai hna thawh zui a ni. Plastic lam bawlhhlawh engemaw zat chharfai a ni a. Joint YMA hruaitute bakah MZP hruaitute pawhin an tawiawm a, mi 100 vel an thawkchhuak a ni.