Bank leh department hmalakna thlirlet

Bank leh department hmalakna thlirlet
District Consultative Committee (DCC), District Level Review Committee (DLRC) leh District Level Security Committee (DLSC) Lunglei chu an chairman, district bawrhsap Navneet Mann hoin an thukhawm.
Chairman chuan bank-te chu mipui rawngbawltu pawimawh tak, sawrkar scheme hrang hrang hlawhtlinna atana pawimawh an nih angin theihtawp chhuah zel turin a chah a. Bank-te leh sawrkar line department hrang hrang chu district hmasawnna tur leh mipui tan tha taka thawk ho zel a, bank kaltlanga hamthatna scheme hrang hrang awmte pawh mipui hnenah uar zawka puangzar zel turin a chah bawk.
Thutkhawmah hian lead district manager R Lalmalsawma leh manager & lead district officer RBI Aizawl Ruth Paumunmuang bakah bank hrang hrang, line department ho, Sub-Hqrs YMA leh MHIP aiawhte an tel.
Kumin July atanga September (2nd quarter, 2024- 2025) chhunga Lunglei district-a bank hrang hrangte hnathawh thlirlet niin, hmachhawp an neih leh hmalak zui dan tur sawiho nghal a ni.
Zero balance-a account hawn theihna Pradhan Mantri Jan Dhan Yojana (PMJDY) leh social security scheme hrang hrang – Pradhan Mantri Jeevan Jyoti Bima Yojana (PMJJBY), Pradhan Mantri Suraksha Bima Yojana (PMSBY) adt. thlirho niin, heng scheme-ah hian hmasawnna hmuh a nih thu sawi a ni. PMJJBY leh PMSBY bika kumin October 15 atanga 2025 January 15 chhunga campaign kalpui mekah kumin November 18 thlengin Lunglei district chhunga target khaw 113-ah khaw 66 tuamchhuah tawh a n a, PMJJBY-ah target 847-ah 783 (92.44%) leh PMSBY-ah target 909-ah 1021 (112.32%) enrollment hmuh tawh a ni.