Barcelona fal leh hret
Pathianni zanah Spa-nish La Liga hma-hruaitu Barca chuan sikhat faia an mikhual Valencia an hneh laiin table-a pahnihna luahtu Real Madrid erawh inkhel dangah an chak zo lo a, Catalan team hian league table-ah an hmahruaina sawh-nghetin, an elpui lian Bernabeu club lakah point kua ngawtin an fal ta a, Carlo Ancelotti team tan La Liga title beiseina a tlahniam.
Barca 1-0 Valencia
Nou Camp inkhela goal awmchhun leh mualneitu team chakna goal ni zui ta hi first half minute 16-na leka Ser-gio Busquets chhawp-sak atanga Raphinha tauhluh niin, tun season league-ah ti hian goal thum a tauhlut tling ta a, Rennes leh Leeds Uni-ted tana a khelh chhung zawng khan heti zat hi a tauhlut zo lo.
Ti hian, league khelh 24-a point 62 neiin Xavi team-in title an hnaih zel a; heti zat game-ah anmahni hnaihbertu Realin point 53 an hum ve bawk.
Second half tir lam minute 59-ah Barca de-fender Barca defender chu Hugo Duro laka a professional foul avang-in straight red card hmanga hnawhchhuah a ni a; a tam zawk an nih hnuah pawh team talbuai Valencia-in an siphurh an sut zo lo.
Barcelona goalkee-per Marc-Andre ter Stegen chuan tun sea-son-a La Liga game 24 a khelh tawhah tum 18 zet an lama goal lut tur a dang tluan thei a; Pathianni zanah pawh hna hautak hma-chhawn tur a nei bar lo, Justin Kluivert-a goal a dan tih loh chu.
Pathianni zanah Catalan team khan an top scorer rualkhat Robert Lewandowski, Ousmane Dembele leh Pedri-te chu hliam avangin an chhawr thei lo rual thup a; hremna avangin an boss Xavi pawhin touchline atang-in a team-te inkhel a vil thei lo bawk a, hnehna an chang zui ta tho.
Valencia an talbuai chhunzawm zel a, relegation zone an la chhuahsan zo lo.
Real Betis 0-0
Real Madrid
Carlo Ancelotti team hian Betis mualah hun rei lote goal an lawm hman zawk a, mahse, an first-half goal hi offside avangin hnawlsak a ni.
Madrid goal khung hi Karim Benzema free-kick chhuihin a hrinchhuah niin, ball thlawk chuan offside position-a awm a team-mate Antonio Rudiger-a ban a fuh hlauh a, video assistant referee-in a lo hmuh si avangin French striker goal tur hi pawmsak a ni lo.
Hun pumin goal lut lo mah se team pahnih keeper ve ve an buai dun hle a, a bikin second half-ah an buai zual.
Kum 39 mi ni tawh Betis keeper Claudio Bravo chuan tha zet zeta a dansak zingah Benzema leh Vinicius Jr.-te goal tur telin, Madrid goal-veng Thi-baut Courtois pawh-in second half-ah Juan Miranda goal tur a dang a, Leicester loanee Ayoze Perez-a goal lawm tur pawh a dang.