Bawng chi khat, Nelore bawng an tih mai, kum thum a upa, Brazil ami, Viatina-19FIV Mara Moveis chu lilamnaa dollar maktaduai 4-in an ral a, Guinness World Records-in khawvela bawng lilamnaa hralh to berah an puang.
He bawng hi kg 1,100 a rit a ni a, hetiang bawng chi rau rauah pawh a lian fâl hle a, a hmaa bawng lilamnaa an hralh to ber record aiin a let thum velin a to zawk a ni.
Associated Presss-in a tarlan danin Brazil-a an bawng vulh te hi 80% chu Zebu breed a ni a, a subspecies hi India atanga chhuak niin an tarlang a, a hnungzang pawng awmdan te a danglam deuh bik a, Nelorw hi a sa ei tur ni lovin, a hnute tui atan an vulh ber thin.
Viatina-19 hi security camera nen venhimna uluk tak hnuaiah ran doctor (veterinarian)-in a enkawl a, silai keng vengtu a nei bawk. He bawng hi Uberaba, Minas Gerais-a farm-ah enkawl a ni.
Associated Press-in a tarlan danin Viatina-19 hi Brazil-a bawng tha chi inthlah chhawn tir tuma rei tak an beih hnua an hlawhtlinna pakhat a ni a, bawng tha teh nana an hman langsar deuh chu tihrawl a neih chak dan te, a chi that dan te, no a hrin ngun dan te chu an ngaihpawimaw zinga mi a ni a, hei bakah hian an pianzia hrim hrim, an ketin ruh that dan leh no an dam theih leh theih loh dan te leh an hmel hrim hrim mawina te pawh an ngaipawimawh hle a ni.
Viatina-19 hian award te pawh a lo dawng nual tawh a, khawvel ram hrang hranga bawngpa leh bawngpui te puala intihsiakna bawng tana Miss Universe an tih ve mai ‘Champion of the World’ competition-ah te pawh ‘Miss South America’ te pawh a lo ni ve zak zak tawh a ni.
Bawng man to ber
Get real time updates directly on you device, subscribe now.
Prev Post