Kolasib district bawrhsap thar Robert C Lalhmangaiha chuan Nilaini khan MJA Kolasib District officer bearers leh DIPRO Kolasib te a kawm a. Inhmelhriatna leh thil pawimawh dang an sawiho.
Bawrhsap chuan District MJA-te chu Mizoram mithmuha district pho chhuaktu langsar tak an nih avangin an hna a pawimawh tih a sawi a. Kolasib chu Mizoram kawtchhuah a nih angin, district pawimawh tak, ramri buaina neuh neuh pawh a awm thin avangin MJA, khawtlang hruaitute leh NGO-te nen thawhhona tha an neih a pawimawh a, an finchhuah thin a mamawh dawn tih a sawi a ni.
MJA hruaitute chuan bawrhsap thar chu an lo lawm a, thawhpui an inhuam reng tih an hrilh a. An ngaihpawimawh zawng sawiin, kawngpui tha neih leh khawpui bawlhhlawh senghawi leh sawngbawl dan phung fel zawk neih a pawimawh tih an sawi.
Kolasib bawrhsap atan dah Robert C Lalhmangaiha hi 2008 MCS batch niin, Zawlnuam BDO, SDC/ADC Serchhip, Rural Development leh Transport deputy director hna a chelh tawh a. FCS&CA, SAD, GAD, DC&MA leh department dangah a awm tawh bawk. Tuna a hna a chelh hma hian GAD & DCMA ah joint secretary a ni.
Bawrhsap tharin MJA a kawm
Get real time updates directly on you device, subscribe now.
Prev Post