BCM thawktuten inkhawmpui hmang

BCM thawktuten inkhawmpui hmang
Baptist Church of Mizoram hnuaia thawktute chuan BCM Hqrs office Serkawn-ah November 8-10 chhung khan conference an nei a. Mizoram chhunga office leh institution hrang hranga thawk (Pastoral department leh missionary-te tel loin) an kalkhawm.
Conference thupuiah “I rawngbawlna kha hlen rawh” II Tim.4:5 tih hman a ni a, speaker-ah BCM asst general secretary pahnih – Rev Dr R Lalthanmawia (Mission) leh Rev R Lalnunzira (Service) an hmang. November 8 zan atanga tan niin, Inrinni leh Pathianni chawhnu ah seminar neih a ni a, resource person-ah AICS asst professor Rev Andrew Lalhmangaiha, BHSS principal Upa C Lalhmingmuana leh HATIM principal Vuansanga Vanchhawng te hman an ni.
Inrinni chhunah seminar neih a ni a, “Rawngbawltu mimal invawnna leh inthununna” tih thupui hmangin HATIM principal V Vuansanga paper present an zirho. Chawhnu lamah “Manners & Etiquette” tih thupui hmangin BHSS principal Upa C. Lalhmingmuana paper buatsaih zirho niin, sawiho zui nghal thin a ni.
Inrinni zanah Pathian biak inkhawm neih a ni a, AGS (Service) Rev R Lalnunzira’n thuchah a sawi. Pathianni chawhma leh zanah inkhawm awm lehin, AGS (Mission) Rev Dr R Lalthanmawia’n thuchah a sawi a; Pathianni chawhnu-ah “Rawngbawltu mawhphurhna leh inpekna” tih thupui hmanga seminar neiin, Rev Dr Andrew Lalhmangaiha, AICS paper buatsaih zirho a ni.