Bebe Rexha vawmtu an man

July ni 18 khan New York City-ah a concert-naah Bebe Rexha chu stage-a a zai laiin mipui lam atangin phone-in a hmaiah an vawm sak a, Bebe hi a hmai hupin a thingthi a, stage crew ten an bawihsawm nghal a, damdawi in ah an kalpui zui ta a ni.
A zai laklawh laia phone-a lo vawmtu hi NYPD lam chuan mipa, kum 27 mi an man tawh thu an puang a, an miman hi Nicolas Malvagna ni a, a phone hi mi tihnatna hmanrua, ralthuam anga a hman avangin dan bawhchhiatna satliah lo deuh hlek, a hremna pawh na zawk ‘felony’ a charge a ni. Bebe pawhin a mit ko duk deuh kalh mai thlalak Instagram-ah post-in a caption-ah, “Ka tha e,” tiin a dah.