Netflix series hit zet mai Squid Game chu a season hnihna ‘Squid Game: The Challenge’ chu November thlaah Netflix-in an tichhuak leh dawn ta. He Korean drama chhunzawmna tur chungchang hi June ni 17-a global fan event Tufum 2023-ah an puang a ni.
A video clip-ah chuan, “Kumin November-ah hian khawvela game lar leh ngaihven hlawh ber chu a takah a chang dawn ta,” tiin an puang a ni.
Season tharah hian player thar an awm nual dawn a, Netflix chuan Yim Si-wan, Kang Ha-neul, Park Sung-hoon leh Yang Dong-geun te pawh an inlan dawn tih an puang a, a changtu ngai inlan leh tur zingah Lee Jung-jae chu a main character Seong Gi-hun (aka Player 456) lemah bawk a chang leh dawn a, Lee Byung-hun pawh Front Man (competition buatsaihtu hmai tuam ho hotupa) lemah chang lehin, Wi Ha-jun pawhin a role ngai Hwang Jun-ho (detective pakhat a unaupa zawnga competition-a in tat lut ta) lemah a chang leh dawn a ni.
Squid Game season hmasaah khan pawisa hlawh tumin intihsiaknaah mi thahnem tak an tel a, naupang game hrang hrang hmangin an intihsiak a, round an platlang zawh loh chuan an that zel a ni. Seong Gi-hun chu a champion ta a, nung damin a chhuak a, mahse, he game kalhmang rawng tak mai chu tihtawp tumin back khel tura kir leh a rilruk ta a ni.
Squid Game hi a hunlaiin a hit tek tek hle a, TV lama chawimawina sang Emmy Awards-ah pawh nomination 14 neiin, award paruk a dawng nghe nghe a ni.
Squid Game Season 2 November-ah
Get real time updates directly on you device, subscribe now.
Prev Post