Beijing-ah khawlum turu hle

China chuan a ram hmar lamah heat alert highest-level tichhuakin temperature-in 40 degree Celcius (104 fahreinheit) a kai vang a ni.
A hma niin Beijing chuan kum 1961 atanga record a neih tan atanga June thla lum ber lo tawng tawhin temperature in 41.10C a kai hial a ni.
Beijing hi chu khawlum reng fona a ni a, mahse, tun hnaiah China ram pumah khawlum a nasa zual hle a, khawlum hi climate change chuan a tizualkai tia sawi a ni.
Zirtawpni zing khan red alert 185 lai tihchhuah niin chungte chuan hmar lam leh khawchhak lam ram zau tak awhin Beijing khawpui pawh a tel a, Tianjin khawpui te Heibei leh Shandong province thenawm te pawh a huam tel a ni.
Red alert hi four-tier system a a sang ber niin tun hi kum 2014 hnu lama Beijing a red alert puan tumkhatna a ni tiin sorkar weather services te chuan an sawi a.
Ningani atang tawh khan red alert hmun hrang hrangah lo puan tawh niin, June thla chauh a la nih laia lum lutuk chuan mipui a tihrilhhai zawk hle tia sawi a ni.
Beijing kawtthlerah chuan hmaituamna te leh lukhum te khumin ni sa laka inhumhim nana theihtawpa inthuam a ni a. City canal-ah te chuan thenkhat chuan inchiahdaih tumin an inhnim lut bawk.
Tuipui kam Yellow Sea bula awm Shandong-ah chuan temperature in Ningani khan 430C a kai niin China meteorological service te chuan an sawi a.
Local media-te chuan weather station 17 te chuan temperature record an khum vek tia sawi a ni bawk a. Khawlum hian hmar lam leh khawchhak lam chu ni riat chhung tal chu a la tuam tura ngaih a ni bawk.