Beirut khawpui beihnaah mi 20 vel boral
Kartawp khan Israel chuan nasa taka Beirut khawpui beih chhunzawmin, mi 20 velin nunna an chan niin official-te chuan an sawi.
Israel chuan vaukhanna awm lovin Lebanon khawpui chu a beih chhunzawm zel a, thuneitute chuan inkahhai a nih theih nan theihtawp an chhuah tan nia sawi a ni bawk.
Lebanon health ministry chuan ram mipui tam tak chuan inkahhai puan an duh tawh avangin nawrh an huaihawt nasa tawh hle a, an nawrh huaihawtnaah hian buaina tenau chhuakin mi 66 velin hliam an tuar niin a sawi a ni.
US palai Amos Hochstein chuan Israel leh Hezbollah inkara thla tam tak chhung indona awm tawh chu tihtawp a nih theih nan an bialchhung ve veah kalchilh mah se, a hnu lawkah inbeihna hi a zual thar leh ta tho thung.
Lebanon health ministry tarlan danin Israel in Lebanon-a beihpui a thlaknaah hian mi 3500 chuang an thi tawh a, indona avang hian mi maktaduai 1.2 vel chuan hmun him lam an pan tawh bawk a ni.
Beirut khawpui beihnaah mi 20 vel boral
Get real time updates directly on you device, subscribe now.