Belgian princess-in India tlawh mek
Pathianni khan Belgium lal fanu, Princess Astrid-i chu India tlawh turin a thleng a, Union Commerce & Industry Minister Piyush Goyal-a’n a dawngsawng.
Thleng hlim leh hmuaktute hi an inchibai a, Goyal-a hian princess hi nauban par var nen a lo hmuak a ni.
Belgium-a King Philippe-a farnu, Princess Astrid- hi India-ah Inrinni thleng a cham dawn a, Prime Minister Narendra Modi leh Foreign Minister S Jaishankar a kawm ang a. Hmun hrang – Uttar Pradesh, Maharashtra leh Delhi a tlawh dawn bawk niin foreign ministry chuan a puang.
India-a Belgian palai, Didier Vanderhasselt-a chuan princess hi Belgian eibar dinhmun atana India tlawh a nih thu leh kalpui 335 leh company 180-ten an tawiawm niin a sawi a. Belgium Foreign Minister Maxime Prevot pawh princess rual hian a kal ve niin a sawi.
“Belgian lam atang chuan lal aiawhtu, H.H. Princess Astrid-i hova an lo thawk hi a lian ber a tling a. Kan foreign affairs minister, deputy prime minister ni bawk leh minister dangten an rawn tawiawm a ni,” tiin Vanderhasselt chuan a sawi.
Belgian aiawha India tlawhtute hi seminar leh conference 14 velah an tel dawn a, hengte hi renewable energy, ram himna, eco-construction, life sciences leh steel decarbonisation kaihhnawih lam thil a ni hlawm ang.
“EU leh India-in thawhhona tha tak an neih mek hi tha kan ti a, Belgium leh India inthian thatna pawh hi tihlen zel tha kan ti a. Khawvelah hian thawhpui rintlak kan mamawh a. India hi kum 5-7% vela thang zel a ni a, kan dah pawimawh ber zingah a tel a ni,” tiin Belgian palai hian ANI a hrilh.
Belgian princess-in India tlawh mek
Get real time updates directly on you device, subscribe now.