BFI vice president thar Dr. Lalrinawma Hnamte

July ni 5, 2023 khan New Delhi-a Jawaharlal Nehru Stadium ah Bas-ketball Federation of India (BFI) office bearers an thlang a, Mizoram bas-ketball chanchina a vawikhatna’n Mi-zoram Basketball Association senior vice president ni lai Dr. Lalrinawma Hnamte chu vice president atan hneh taka thlan tlin a ni.
Inthlanna hi BFI Administrator Justice Krishna Bhaat (Karnataka High Court Judge thin) kaihhruaina hnuaiah returning officer HS Sharma, District & Sessions Judge (Retd.) hoa kalpui niin, Tamil Nadu Basketball Association president ni lai Aadhav Arjuna chu president atan thlanchhuah a ni.
Vice president atan thlan Dr. Lalrinawma Hnamte chuan thlan tlin a nih chuangchangah Mizoram basketball atanga thlawpna a dawnna zawng zawngah lawmthu sawi chungin theihtawpa India leh Mizoram basketball hmasawnna atana thawh a tum thu a sawi.
Inthlannaa kal Mizoram Bas-ketball Association president R. Lalnunpuia chuan Mizoramin a la tawn ngai loh BFI vice president post hial Mizo pain a chelh thei hi Mizoram leh north east tan hmasawnna thlentu a nih a beisei thu a sawi.
Mizoram Basketball Association chuan thuchhuah siamin, an senior vice president hlawhtlinna an lawmpui tih an sawi a, a kal zelna turah duhsakna sang ber an hlan nghal bawk a ni.