Bharat Ratna mi pathum hnenah

Union government chuan February 9, 2024 khan Prime Minister hlui Chaudhary Charan Singh, PV Narasimha Rao leh agriculture scientists M.S. Swaminathan te hnenah civilian chawimawina sang ber Bharat Ratna chu pek an nih tur thu a puang.
PM Modi chuan Singh chuan Emergency dodalin a nun chu loneitute hmasawn nan a hmang ral a ti a.
“Narasimha Rao Prime Minister nihlai khan India chu global maerket tan hawngin economic development bung thar chuangkai a ni a. India foreign policy, language leh education sector lama a hmalakna chu fakawm tak a ni. Inthlakthleng hun pawimawh laiin India a kaihruai mai bakah cultural leh intellectual heritage a tihausa a ni” tiin PM Modi chuan a sawi.
Scientists Swaminathan chu ‘kan ram leh agriculture leh farmer’s welfare tana chhinchhiah reng tur hnutchhiahtu a ni’ a ti bawk a. “Ka mihriat chian tak niin a thlirdan leh ngaihdan te kha ka ngaihlu em em a ni” tiin a sawi bawk.
Kumin hian Bharat Ratna chu mi panga hnenah pek a ni tawh a. Socialist leader Karpoori Thakur leh Deputy Prime Minister hlui L.K. Advani te pawh pek zingah an tel.
Kum 1954 a kalpui a nih tan atangin Bharat Ratna dawngtu mi 53 an awm tawh a. Bharat Ratna dawng hmasa ber chu Governor General of India hnuhnung ber C. Rajagopalachari a ni.
Modi sorkar hian Bharat Ratna paruk a pechhuak tawh a, UPA sorkar kum 2004-2014 kha chuan pahnih chauh a pechhuak a.
Prime Minister hlui Atal Bihari Vajpayee leh benaras Hindu University founder Madan Mohan Malviya leh senior RSS ideologue leh social worker Nanaji Deshmuk a pek te kha chu Modi sorkar in an ideology a chawisanna liau liau anga ngaih a ni.
Musician bhupen Hazarika hnena pek pawh khan Assam a BJP tena len an duhna nia ngaih a ni a, Assam CM hlui Gopinath Bordoloi hnena Bharat Ratna pek pawh kha BJP sorkar lai tho a ni. Pranab Mukherjee hnena Bharat Ratna BJP sorkar in a pek khan maktih a hlawh bawk.