Biak in hal duhtute an tluan ka ring lo – Lal Thanzara

Biak in hal duhtute an tluan
ka ring lo – Lal Thanzara
BJP sawrkarna hnuaiah chi leh chi intihbuaina a thleng mek tih Congress vice president Lal Thanzara chuan a sawi a. Pathian biak in halduhtute chu an tluan a ring lo tih a sawi.
Inrinnia Rawpuichhipa Mamit East Block Congress Committee Block Conference a hmanpuinaah Lal Thanzara chuan Manipur-ah BJP sawrkarna hnuaiah chi leh chi intihbuaina a thleng mek a, BJP zia a lang chho tan mek tih sawiin, Pathian biak in min halsak duhtute chu an tluang chuangin a ring lo tih a sawi.
“Hetiang buainaah hian Mizote kan inpumkhat a, kan inthurual a ngai. Political boundary-in min then hrang mahse Zofate thinlung hi hmun khat a ni a. Ram hrang hrangah thendarh ni mah ila, engtik ni ah emaw chuan Zofate hi rorelna pakhat hnuaiah kan la awm ngei ka beisei a ni,” a ti.
Congress party chu remna leh muanna a awm theihna tura tha thawh thintu a ni tih a sawi a. Mizorama remna leh muanna awm theihna atan pawh seat kiantu an ni tiin, “Engmah tih nei lo anga Congress party min puhtute hian remna leh muanna hlut zia an hrechiang tawk lo a ni,” a ti.
An n intiamna an tihlawhtling thin tih MPCC vice president hian sawiin, an intiamna chu diriam thin ni mah se, an sawrkar a, an sem leh mai thin tih a sawi. Tunah pawh hmasawnna duh tak tak, khawsak harsa si, bul tanna tur nei lo mi engemawzat tan tang puihna, chhungkaw pakhat tan cheng nuai hnih an ruahman bakah zirlai harsa tan mi hlawhtling an nih theihna turin an ruahman pui dawn tih a sawi. Congress sawrkar chuan hmasawnna hna leh ruhrel tam tak Mizoram tan an tipuitling tawh tih a sawi bawk.