Bial dang aiin hmasawnna hna leh MLA Fund dawn tam bik kan phu – Er R Rohmingliana

Bial dang aiin hmasawnna hna leh
MLA Fund dawn tam bik kan phu
– Er R Rohmingliana
Mizoramah hmasawnna rualkhai a awm theihna tur chuan bial dangte aiin sawrkarin hmasawnna hna a thawh tam bik leh MLA Fund pawh dawn tam bik an phu tih Thorang bialtu MLA Er R Rohmingliana chuan a sawi.
November 23 atanga a bial chhung Thoranga khaw hrang hrang fangtu Er R Rohmingliana, MLA hian PMGSY hmanga kawng laih mek leh MLA fund hmanga hnathawh a hmunah enin, hnathawktute chu tha taka thawk turin a chah a. Mizorama development rualkhai tur chuan a bial angah bial dang aia tam zawka sawrkarin hmasawnna hna a kalpui a tul tih a sawi. MLAD fund pawh bial dangte aia dawn tam an phu bik riaua a hriat thu a sawi a. A bial chhung kuthnathawktutë zingah sawhthing leh hmunphiah chingtu an tam thu lehn, hlawk taka thar a, a hralhna tha leh man man tak nei ngei turin a duh tih a sawi a ni.
Kum 2025-ah a bial chhung school atanga HSLC leh HSSLC exam-a distinction-a pass an awm a nih chuan laptop computer a pe leh dawn tih a sawi bawk.
Thorang biala khaw lian ber Lungsen khuaa sawrkar hnathawkte nena an inkawm a, mahni hnathawhna leh hlawh hmuhnaah chuan tute pawh rinawm a, tha taka thawh chu Pathian thuawihna chikhat a ni, tiin, an harsatna neih ang hmaichhan khera inhrilh rem lo pawh, phone hmanga hrilh hreh lo turin a chah.
MLA bial hrang hrang zinga bial chhunga kawng chhe ber tia sawi ni thin mah se, MNF sawrkar laia kawng awmsa cheithar leh kawngthar a duan tawhte, siam mek leh chhunzawm zel a nih avangin 2028 MLA inthlan dawnah meuh chuan kawng tha tak tak a thlur seng sung dawn nia a lan thu Thorang bialtu MLA hian a sawi a ni.