bialnu kha a lerh em?

A chang chuan engamah hmaa inrinhlelh nghal ngawt zel hian inngaihzawnna boruak a tichhe thei. Mahse, eng emaw rinhlelhawm riau a awm a, ngaihthah mai mai theih loh chin a lo awm chuan, engtin nge i tih tak ang. Relationship lama mithiam ten i bialnuin a kawp leh kawp loh che hriat theih dan a awm niin an sawi a, kan rawn tarlang e.
1. Eng emaw, i hria ang tih hlauh hmel tak neiin a awm a, phone-a an rawn biakin i hriat phak loh turah a kal sawn daih zel a a, kawlsawn a remchan loh pawhin zawi te tea tawngin, eng nge a sawi tih i hriat tham loha phun ser ser chang te a nei ang. A nih loh pawhin in awm dun laia phone call pick duh loh a neih a, a rawn call nawn deuh sek pawha a pick duh tlat loh chuan eng emaw felhlel a awm a nih ring la, i ring sual lo mai thei!
2. Engtik lai pawhin nangmah zawkin i text hmasa zawk emaw a call hmasatu zawkah emaw i tang reng a nih chuan ngaihthat loh a hun viau. I biak loh chuan biak hmasak che a tum lo a, i reh deuh chuan a reh ve a ni nghal zel mai a nih chuan ngaihthat loh a hun. I text pawhin rei tak tak reply loh che a ching a, online reng chunga i text a seen loh reng chuan ngaih ti tha vak duh suh.
3. I lakah thinrimna tur a hre tam ta riau a, tunhmaa a thinrim pui ngai loh pawhin a tihtauh pui ta zel a nih chuan ngaihthat loh a hun.
4. Dawt a hrilh che i hre chhuak a nih chuan ngaihthat loh viau a hun. A kalna leh lenna, bakah a thian kawm te chungchangah dawt a hrilh che a nih phei chuan a tha lo lehzual.
5. A thian hnai ten an hlat ta deuh riau chein i hria em. Tunhmaa an fiam bawrh bawrh che ang khan an fiam ta lo chein i hria em? A thian hnaite i lakah engtin emaw tak, an danglam ta deuh a nih chuan a ngaihthat thlak loh khawp ang.
6. I bialnu chuan a landan a ngaipawimawh thar riau a, a incheina leh make-up te a buaipui thar riau a nih chuan tu emaw mit lak a tum tihna a ni thei.