Bihar in PM Modi ‘rath’ titawp ang ti

June 23 ah oppositon party meet neih a ni ang tia puan tuk lawkah Bihar Deputy Chief Minister Tejashwi Yadav chuan a pa Lalu Prasad an a hunlaia Lal Krishna Advani a Bihar a rath (chariot) a kalpui a titawp ang bawkin Opposition party Chief Minister Nitish Kumar kaihhruai chuan kum 2024 ah Prime Minister Narendra Modi rath (sakawr tawlailir) an titawp ang tiin a sawi.
Kum 1990 khan khatihlaia Bihar Chief Minister Lalu Prasad chuan Advani a Rath Ytara chu Sitamarhi ah communal harmony leh dan leh hrai lekkawh tichhe thei tia titawpin Advani a man a, ruahman ang chuan yatra chu Ayodhya a tawpa vawrtawp thleng tur a ni.
“Kan laka phiarrukna an kalpui te kan hre vek a, mahse, ka sawi duh chu Laluji an Adavaniji a rath kalpui Bihar-a a titawp angin Mahagathbandhan sorkar Nitishji kaihhruai chuan Lok Sabha inthlan 2024 ah Narendra Modi rath chu a titawp ang” tiin Yadav chuan a sawi.
Nilaini khan Janata Dal (United) president Rajiv Ranjan, alias Lalan Singh chuan Opposition meeting chu June 23 ah Patna-ah neih a ni dawn a ti a. he meeting-ah hian Opposition leader te Rahul Gandhi ngei pawh Nitish Kumar sawmna in a inlan dawn tiin a sawi.
Bihar Chief Minister chuan Opposition inlungrual neih a nih theih nan leh awm theih nan theihtawp a chhuah mek tia sawi bawkin Yadav chuan BJP te an sorkar leh a nih chaun ram chu hralin a awm ang tiin hming sawi lang si lova sawiin Yadav chuan ‘mi pahnihin ram an rhalh mek a, pahnihin an lei mek bawk’ tiin a sawi.
Yadav chuan Centre chuan India ram history thlak danglam tumin a bei mek a ti bawk a. Prime Minister Modi chu dictator tiin a sawi bawk a. “Lal \hutthlengah dicator a \hu mek a, a ngaihtuaha te a dik leh dik loh, constitution kalh a nih leh nihloh pawh ngaihtuah lovin kalpui turin thupek a pe tawp zel mai a ni. A pumpuia lakin democracy dinhmun derthawngah a awm mek a, Constitution thlak danglam tumna aawm a. Hna vaiblechhia siam tih te, Samrt City tih te, loneitute sum lakluh a leta tihpun tih te Modi sorkar thutiam pakhat mah tihhlawhtlinina awm lo” tiin Yadav chuan a sawi bawk.
Grand alliance tena mipui te harsatna tawh an sawi laiin BJP leader te chuan temple. mosque, HIndus leh Muslims hlir an sawi a ti bawk a. Yadav chuan BJP leader te chu huatna lam an sawi hmangin society tur an fak mek a ti bawk.
Safforn party te nataka bei bawkin Yadav chuan BJP te chuan Muslim te voting rights thlengin chhuhsak an tum a ti bawk a. “Lalu Prasad leh Nitish Kumar sorkar a awm thlengin chutiang tingam an awm lo” tiin a sawi bawk.
PM nuihsawh bawkin tun hnaia Karnataka Assembly inthlanah pawh PM Modi chuan mipui te chu Lord Hanuman hminga vote thlak turin a ngen a, mipuite chu employment opportunity te leh project an kalpui tur te avanga vote ngen tur zawk a ni a ti bawk.